Sa isang buntong hininga

Sa isang buntong hininga
Ika'y tunay na nakilala
Doo'y nasilip
Bahagi ng nadarama

Katauhang nagkukubli
Sa mga nagdaang panahon
Sa isang pagkakataon
Ay biglaang umahon

Damdaming pilit binabao'y
Unti-unting binubuhay
Nitong hindi maunawaang
Tila nalalapit na pagsinta

Sa isang buntong hininga
Muling pinaligaya
Binigyan ng pag-asang
Lubos pang makikilala

Hindi man alam saan
Ang siyang huling hantungan
Puso'y sasabay, aayon
Sa bawat buntong hininga